पोखरा महानगरपालिकाको लेखनाथ तालचोक नजिकै हाउजिङमा श्रीमानको कुटाइबाट श्रीमतीको मृत्यु भएको छ ।
पोखरा २७ का ६३ वर्षीय कमल कुमालले ५५ वर्षीय श्रीमती सुन्तली कुमाललाई गैंचीले हिर्काउँदा मृत्यु भएको कास्कीका प्रहरी प्रवक्ता डिएसपी रवीन्द्र गुरुङले जानकारी दिए।
सोमबार करिब २ बजे रक्सीले मातेर झगडा गर्दा श्रीमतीलाई गैंचीले प्रहार गरेका प्रहरी अनुसन्धानबाट खुलेको छ।
प्रहारबाट घाइते भएकी सुन्तलीको सामुदायिक अस्पताल शिसुवामा उपचारका क्रममा करिब साढे २ बजे मृत्यु भएको प्रहरीले जानकारी दिएको छ।
कमललाई प्रहरीले नियन्त्रणमा लिएको गुरुङले जानकारी दिए ।
