पूर्वी नवलपरासीको दुम्कीवासमा भएको सवारी दुर्घटनामा दुई जनाको मृत्यु भएको छ।
पूर्वपश्चिम राजमार्ग अन्तर्गत दुम्कीवास–अरुणखोला जंगलमा शनिबार दिउँसो बोलेरो जीप र मोटरसाइकल एक आपसमा ठोक्किदा उक्त दुर्घटना भएको हो ।
दुर्घटनामा परी प्युठान लिवाङ ८ का ३२ वर्षीया जगतबहादुर परियार र १० वर्षीया विवेक परियारको मृत्यु भएको जिल्ला प्रहरी कार्यालय नवलपुरले जनाएको छ ।
प्रहरीका अनुसार नारायणगढबाट बुटवलतर्फ आउँदै गरेको लु १ च ९७५९ नं. को बोलेरो जीप र विपरीत दिशातर्फ जाँदै गरेको लु २० प ५१७ नं. को मोटरसाइकल बेसक्याम्प चोक नजिक ठक्कर खाँदा दुर्घटना भएको हो।
मृत्यु हुने दुवै जना मोटरसाइकलमा सवार रहेको र उनीहरूको उपचारको क्रममा कावासोतीस्थित मध्यविन्दु सामुदायिक अस्पतालमा मृत्यु भएको प्रहरीले जनाएको छ।
