पूर्वपश्चिम राजमार्गअन्तर्गत रुपन्देहीको सैनामैना ४ मुर्गियामा भएको सवारी दुर्घटनामा एक जनाको मृत्यु भएको छ।
बुटवलबाट पश्चिम तर्फ जाँदै गरेको लु १ प ७७४३ नं. मोटरसाइकल र पश्चिमबाट पूर्वतर्फ आउँदै गरेको लु १ ज २७२८ नं. को विङ्गर एकआपसमा ठक्कर खाँदा उक्त दुर्घटना भएको हो।
दुर्घटनामा परी मोटरसाइकल चालक सैनामैना ३ का ४० वर्षीय शेर बहादुर कुँवरको मृत्यु भएको पश्चिम क्षेत्रीय ट्राफिक प्रहरी कार्यालय बुटवलले जनाएको छ।
दुर्घटनापछि आक्रोशित स्थानीयले विङ्गरमा आगो लगाएका छन्। आक्रोशित भीडले आगो लगाएपछि विङ्गर पूर्णरूपमा ध्वस्त भएको प्रहरील जनाएको छ। प्रहरीले विङ्गरका चालकलाई नियन्त्रणमा लिएको जनाएको छ।
