यात्रुहरुलाई आफ्नो गाडीमा बस्न भन्दै तानातान गर्ने सातजनालई प्रहरीले पक्राउ गरेको छ । सुर्खेतको वीरेन्द्रनगरस्थित बसपार्कमा यात्रुलाई अमानवीय तरिकाले तानातान गरेको भन्दै प्रहरीले सातजनालाई पक्राउ गरेको हो ।
पक्राउ पर्नेहरुमा सुर्खेतको वीरेन्द्रनगरका २५ वर्षीय चक्रबहादुर शाही, कालिकोटको खाँडाक्र नगरपालिका १ का अर्जुन मल्ल, सुर्खेतको गुर्भाकोट नगरपालिका ६ का महेश सोमारे मगर, जुम्लाका रमेश शाही रहेका छन् ।
यस्तै, अछामको तुर्माखाँद गाउँपालिका ७ का नमराज न्यौपाने, सुर्खेतको वीरेन्द्रनगरपालिका ९ का नकेन्द्र खत्री र ६ का सन्दीप परियार रहेको जिल्ला प्रहरी कार्यालय सुर्खेतले जनाएको छ ।
यात्रुहरुमाथि अमानवीय व्यवहारसहित तानातान गरेको आरोपमा पक्राउ परेको उनीहरुलाई कारबाहीका लागि थप अनुसन्धान भैरहेको प्रहरीले जनाएको छ ।
