सुर्खेतमा लागुऔषधसहित एक महिला पक्राउ परेकी छन्।
आइतबार बेलुका वीरेन्द्रनगरस्थित प्रहरीको सुब्बाकुना चेक प्वाइन्टबाट ३ ग्राम ६ सय १० मिलिग्राम परिमाणको लागुऔषधसहित वीरेन्द्रनगर–१२ की पवित्रा विसी (विष्ट) पक्राउ परेकी हुन्।
नेपालगञ्जबाट सुर्खेत आउँदै गरेको हाइस चेकजाँचका क्रममा उक्त परिमाणको लागुऔषध फेला परेको जिल्ला प्रहरी कार्यालय सुर्खेतले जनाएको छ।
पक्राउ परेकी विष्टमाथि अनुसन्धान भैरहेको प्रहरीले जनाएको छ ।
