कपिलवस्तुको चन्द्रौटामा व्याट्री बोकेको ट्रकमा आगलागी भएको छ।
शिवराज नगरपालिका वडा नं. ५ चन्द्रौटा बजारस्थित राजस्व चेकपोष्ट नजिकै ट्रकमा आगलागी भएको हो।
पश्चिमबाट पूर्वतर्फ आउँदै गरेको ना ६ ख ५८१२ नम्बरको उक्त ट्रकमा लोड गरिएका एनसेलका व्याट्रीमा एक्कासी आगो लागेको हो। अहिले कृष्णनगरबाट आएको दमकल आगो नियन्त्रणमा लिने प्रयास गरिरहेको छ।
ईलाका प्रहरी कार्यालय चन्द्रौटाका प्रहरी निरीक्षक महेश उपाध्यायका अनुसार उक्त ट्रक एनसेलको सामान (व्याट्री) बोकेर डडेल्धुराबाट काठमाडौं जाँदै थियो।
आगो कृष्णनगरबाट आएको दमकलले नियन्त्रणमा लिएको छ। ट्रकमा रहेको सबै सामान जलेर नष्ट भएको छ। आगलागीबाट कति क्षति भयो भन्ने एकिन हुन सकेको छैन।
