भक्तपुरको लोकन्थलीमा सुख्खा पहिरो गएको छ। मंगलबार बिहान अरनिको राजमार्गदेखि २०० मिटरजति भित्र पहिरो खस्दा सडक भत्किएको छ।
एक्कासी सुख्खा पहिरो गएको र त्यसले चार वटा घरलाई जोखिममा पारेको भक्तपुरका प्रहरी प्रमुख एसपी सविन प्रधानले जानकारी दिए। उनका अनुसार सन्तोष तामाङ, भरत पौडेल, कृष्ण थापा र प्रेम लामाका घर पहिरोले जोखिममा परेका छन्।
घटनास्थलमा अहिले नेपाली सेना र प्रहरीको टोली परिचालन गरिएको छ।
जोखिमयुक्त घरलाई के गर्ने भन्नेबारे जिल्ला दैवी प्रकोप उद्धार समितिको बैठक बसिरहेको एसपी प्रधानले जानकारी दिए।
