रौतहटको गौर नगरपालिका-३ मा गोली प्रहार भएको छ।
अज्ञात समूहको गोली प्रहारबाट ४५ वर्षीय भारतीय नागरिक विजय गुप्ता घाइते भएका छन्।
उनको पेटको बायाँ भागमा गोली लागेको र अवस्था गम्भीर रहेको रौतहट प्रहरीका डिएसपी नविन कार्कीले बताएका छन्।
गोली लागेपछि उपचारका लागि जिल्ला अस्पताल रौतहट लगिएको भएपनि त्यहाँ उपचार हुन नसक्ने भएपछि उनलाई उपचारका लागि वीरगंज लगिएको प्रहरीले बताएको छ।
गोली पेटमा नै अड्किएको छ।
उनलाई भारतीय कपडा तस्करले गोली हानेको प्रारम्भिक अनुमानछन्। उनीमाथि गोली प्रहार गर्ने व्यक्ति नरेश राय खुलेको छ। उनी पनि भारतीय नागरिक नै भएको खुलेको छ।
घटनाबारे थप अनुसन्धान भइरहेको प्रहरीले बताएको छ।
