रौतहटको दुर्गाभगवती गाउँपालिका-३ पर्सा गाउँका एक बृद्धको हत्या भएको छ।
सोमबार राति ७० वर्षीय फेकन पण्डितको हत्या भएको प्रहरीले जनाएको छ।
प्रहरीले दिएको जानकारी अनुसार उनको मुखमा हथौडा प्रहार गरेर हत्या गरिएको छ। हत्या गर्ने समूहको खोजी भइरहेको जिल्ला प्रहरी कार्यालय रौतहटका प्रवक्ता नवीन कार्कीले बताए।
पण्डित राति खाना खाएर घरबाट एक किलोमिटर टाढा गोठमा सुत्न गएका थिए। बिहान परिवारका सदस्य पुग्दा उनको शव देखेपछि प्रहरीलाई खबर गरेका थिए।
शव पोष्टमार्टमका लागि जिल्ला अस्पताल गौर लगिएको छ।
