राष्ट्रिय आविष्कार केन्द्रले यसरी बनाउँदै छ पिपिई (फोटोफिचर)

निशा भण्डारी

काठमाडौं, चैत २३

राष्ट्रिय आविष्कार केन्द्रले कोरोना संक्रमित बिरामी जाँच्न चिकित्सकले लगाउने पिपिई उत्पादन गरिरहेको छ।

मेडिकल काउन्सिलका अध्यक्ष भगवान कोइरालाले डिजाइन ठीक रहेको बताएपछि केन्द्रका प्रमुख महावीर पुनले उत्पादन सुरू गरेका हुन्।

एउटा २ लेयरको वाटरप्रुफ टफेटा, चेन र इलास्टिक र थ्रिडी प्रिन्टिङको चस्मा-फ्रेममा प्लाष्टिकको सिट हालेर पिपिई बनाइँदै छ।

यीमध्ये बाफलस्थित सियो दागो नामक गार्मेन्ट फ्याक्ट्रीबाट दैनिक एक सयभन्दा माथि पिपिई तयार भइरहेको छ।

'संकटको बेला हामीले नगरे अरू कसले गर्छ, महावीर सरले हामीलाई सम्पर्क गर्नुभयो,'गार्मेन्ट फ्याक्ट्रीका सञ्चालक विभूषण शेरचन भने,' हामी सुट बनाउँछौं, अहिले चाहिएको बेला सबै सहकर्मीको साथमा पिपिई बनाउन सुरू गर्‍यौं।'

पिपिई बनाउँदा लगभग एघार लाख बढी खर्च भइसकेको राष्ट्रिय आविष्कार केन्द्रका प्रमुख महावीर पुनले जानकारी दिए।

'हामीले दैनिक जसो विभिन्न स्थानबाट दैनिक एक सय जति पिपिई तयार गर्दैछौं,'उनले भने,'आजदेखि फेरि अर्को ठाउँमा पनि उत्पादन सुरू हुँदैछ।'

सितापाइला, पेप्सीकोला, सानेपा, चप्पल कारखाना लगायतका ठाउँबाट पिपिई उत्पादन गरेका छन्।

हेर्नुस् तस्बिर: