डाक्टर गोविन्द केसीको समर्थनमा उत्रेकामाथि काठमाडौंको माइतीघर मण्डलमा प्रहरीले धरपकड गरेको छ।
विगत केही दिनदेखि अनसनरत् डा केसीको जीवन रक्षा माग र उनको मागको सम्बोधन गर भन्दै सरकारविरूद्ध प्रदर्शकारीहरूले माइतीघर मण्डलमा विरोध प्रदर्शन गर्दै आइरहेका छन्।
सोही विरोध प्रदर्शन गर्ने क्रममा आज पनि माइतीघर मण्डलामा प्रदर्शन भएको थियो। प्रदर्शनकारीले प्रधानमन्त्री केपी शर्मा ओलीको पोस्टर लिएर विरोध गरेका थिए।
माइतीघर मण्डलाबाट १७ जनालाई प्रहरीले पक्राउ गरेको छ।
माइतीघर मण्डलाको निषेधित क्षेत्र तोड्न र यातायात अवरूद्ध पार्न खोजेपछि उनीहरूलाई पक्राउ गरिएको महानगरीय प्रहरी परिसर काठमाडौंले जनाएको छ।
पक्राउ पर्नेमा अभियन्ता पुकारबमसहित छन्। १७ मध्ये १५ पुरुष र एक महिला रहेको प्रहरीले जनाएको छ।
तस्बिरहरू:
