काठमाडौंको सिनामंगलमा टिपरको ठक्करबाट मोटरसाइकल चालकको मृत्यु भएको छ।
काठमाडौं महानगरपालिका वडा नम्बर ९ सिनामंगल सडकमा बा ४ ख ८७२५ नम्बरको टिपरले बा २–०३० प ९४० नम्बरको मोटरसाइकललाई ठक्कर दिँदा पर्साका २५ वर्षीय सुनिलप्रसाद महतोको मृत्यु भएको हो।
गएराति १० बजेर ४० मिनेटमा दुर्घटना भएको महानगरीय ट्राफिक प्रहरी महाशाखाले जनाएको छ।
दुर्घटनापछि गम्भीर घाइते भएका महतोको काठमाडौं मेडिकल कलेज सिनामंगलमा उपचारका क्रममा बिहीबार बिहान मृत्यु भएको प्रहरी प्रधान कार्यालयले जनाएको छ।
दुर्घटनामा मोटरसाइकलमा सवार रामेछाप घर भई भक्तपुर बस्ने ३० वर्षीय अम्बरबहादुर पहरीको सोही अस्पतालमा उपचार भइरहेको छ।
टिपर चालकलाई प्रहरीले नियन्त्रणमा लिएको छ। (रासस)
