प्रधानमन्त्री पुष्पकमल दाहाल 'प्रचण्ड'ले पानसमा बत्ती बालेर र बेलुन उडाएर तमु ल्होसारको उद्घाटन गरेका छन्।
टुँडिखेलमा आयोजित कार्यक्रममा गुरूङ समुदायका व्यक्तिले प्रचण्डलाई गुरूङ पहिरन पहिराएर सम्मान गरेका थिए।
गुरूङ समुदायले आज तमु ल्होसार मनाउँदै छन्।
हरेक वर्षको पुस १५ गतेका दिन तमु ल्होसार मनाइन्छ। तमु भन्नाले गुरुङ समुदायलाई चिनाउँछ भने ल्होसार भन्नाले नयाँ वर्ष भन्ने अर्थ लाग्दछ।
तमु ल्होसारलाई गुरुङ समुदायले नयाँ वर्षका रुपमा मनाउने गर्छन्। यो पर्व गुरुङ समुदायले ‘तो ल्हो’ (बाघ वर्ग) को बिदाइ गर्दै ‘हि ल्हो’ (बिरालो वर्ग) को स्वागत गरेर भव्य रूपमा मनाउने गरिर्छन्।
ल्होसारको अवसरमा सरकारले आज सार्वजनिक बिदा समेत दिएको छ।
तमु ल्होसारका अवसरमा शुक्रबार राजधानीमा विभिन्न झाँकीसहित र्याली निकालिएको छ। गुरूङ समुदायले परम्परागत भेषभुसा लगाएर र्यालीमा सहभागी भएका थिए।
तस्बिरहरू:
1672388278.jpg)
