धौलागिरि बेश क्याम्पमा हेलि एभरेष्टको हेलिकप्टर आकस्मिक अवतरण गरिएको छ।
आइतबार बिहान ११ बजे उडेको हेलिकप्टर केही बेरमै आकस्मिक अवतरण गरिएको छ।
‘हेलिकप्टर फोर्स ल्याण्डिङ’ गरिएको जिल्ला प्रहरी कार्यालय म्याग्दीका प्रमुख, डिएसपी मदन कुँवरले सेतोपाटीलाई जानकारी दिए।
उक्त हेलिकप्टरमा एक जनामात्रै पाइलट थिए।
नागरिक उड्डयन प्राधिकरणका अनुसार हेलिएयरको एनएन-एएनबी (एएस-३५०) हेलिकप्टर दुर्घटनामा भएको हो। अवतरण गर्नेक्रममा आकस्मिक अवतरण गरेको प्राधिकरणले जनाएको छ।
‘सो उडानमा यात्रारत एकमात्र पाइलट सकुशल रहेको साथै उहाँको स्वास्थ्य अवस्था सामान्य रहेको छ तथा उहाँलाई अर्को हेलिकप्टरद्वारा उद्धार गरिसकिएको र काठमाडौंतर्फ ल्याइँदै छ,’ प्राधिकरणले भनेको छ।
