स्रोत नखुलेको साढे १२ लाख नगदसहित एक जना पक्राउ परेका छन्।
काठमाडौं महानगरपालिका-२२ प्युखाँबाट स्रोत नखुलेको १२ लाख ५० हजार नगदसहित एक जनालाई पक्राउ गरेको प्रहरीले जनाएको छ।
ललितपुरको गोदावरी नगरपालिका-२ बस्ने ५२ वर्षीय राजेन्द्र सिलवाललाई मंगलबार दिउँसो पक्राउ गरेको हो।
प्रहरी वृत्त जनसेवाबाट खटिएको टोलीले उनलाई पक्राउ गरेको हो।
घटनाको थप अनुसन्धान भइरहेको प्रहरीले जनाएको छ।
