रोल्पा प्रहरीले अफिम नष्ट गरेको छ। परिवर्तन गाउँपालिकाका विभिन्न स्थानमा गरिएको अफिम खेती प्रहरीले नष्ट गरेको हो।
जिल्ला प्रहरी कार्यालयबाट खटिएको टोलीले सोमबार र मंगलबार करिब १८ हजार जति अफिमका बोट नष्ट गरेको हो।
प्रहरी नायब उपरीक्षक श्यामकुमार सारू मगरको नेतृत्वमा खटिएको ३८ जनाको प्रहरी टोलीले परिवर्तनको–४ पाछाबाङका खोलागाउँ, तारल, बसुन्धरा, जैरेनी, तातापानी लगायतका स्थानका झण्डै २० रोपनी क्षेत्रफलको अफिम नष्ट गरेको हो।
त्यस्तै, गाउँपालिकाको वडा नं. – ५ राङकोटको बजेनी जंगल बीचमा करिब ८ रोपनी क्षेत्रफलमा लगाइएको झन्डै ७ हजार ५ सय बोट अफिम खेती नष्ट गरिएको छ।
दुई दिनको अवधिमा करिब २८ रोपनी पाखोबारीमा उत्पादन गरिएको २५ हजार ५ सय बोट अफिम नष्ट गरिएको डिएसपी मगरले जानकारी दिए।
