सिराहा प्रादेशिक अस्पतालमा रहेको जेनेरेटरमा आगलागी भएको छ।
बुधबार दिउँसो सवा २ बजे अस्पतालमा रहेको जेनेरेटरमा आगलागी भएको हो। आगलागी नियन्त्रणमा आइसकेको छ।
आगलागी भएपछि डायलासिस गराउन ल्याएका बिरामीलाई अस्पताल बाहिर निकालिएको थियो। बाहिर निकालेको केहीबेरमै एक जना बिरामीको मृत्यु भएको जिल्ला प्रहरी कार्यालय सिराहाका प्रहरी निरीक्षक शंकर चौधरीले जानकारी दिए।
‘उपचारको लागि ल्याइएको थियो। धुँवा-धुँवा भएपछि बिरामी बाहिर निकालिएको थियो। केहीबेरमा एक जनाको मृत्यु भएको छ,’ उनले भने।
मृत्यु हुनेमा बरियारपट्टी गाउँपालिका-२का ६० वर्षीय प्रदिपकुमार दास छन्।
उनको शव आफन्तले बुझिसकेको प्रहरीले जनाएको छ।
