'गुन्डानाइके' राजु गोर्खाली पक्राउ परेका छन्। काठमाडौं प्रहरी परिसरले उनलाई पक्राउ गरेको हो। काठमाडौंको ठमेलमा रहेको एक भवनमा उनले लिजमा लिएर त्यहाँ पसल राखेका व्यवसायीहरुमाथि एकै पटक ६० हजार रुपैयाँ भाडा बढाएको आरोमा प्रहरीले नियन्त्रणमा लिएको डिएसपी सिद्दिबिक्रम शाहले जानकारी दिए।
उनले लिजमा लिएको भवनमा व्यापारीहरुले मासिक २० हजार भाडा तिर्दै आएका थिए। उनले लिजमा लिएपछि ६० हजार बढाएर ८० हजार बनाएका छन्।
ब्यापारीहरुले आफूहरुलाई तर्साएको भन्दै प्रहरीमा उजुरी दिएपछि उनलाई प्रहरीले पक्राउ गरेको हो। काठमाडौं चावहिलका उनी प्लाटिनम् डिस्कोमा झगडा हुँदा राकेश लिम्बुको हत्या गरेको अभियोगमा जेल बसेर केही वर्षअघि मात्र रिहा भएका हुन्। प्रहरीले उनको सहयोगी देबेन्द्र केसीलाई पनि पक्राउ गरेको छ।
