हेटौंडा उपमहानगरपालिका–१३ ठुलोथलीमा ट्रक ब्याक गर्न झ्यालबाट टाउको निकाल्दा अर्को ट्रकमा ठोक्किएर चालकको मृत्यु भएको छ।
ग १ क ३४९२ नम्बरको ट्रक पार्किङ गर्न चालक ३० वर्षीय मानसिङ गोलेले झ्यालबाट टाउको निकाली ब्याक गर्दै गर्दा नजिकै रोकी राखेको ना ४ ख १२४२ नम्बरको ट्रकको ढोकामा टाउको च्यापिन उनको घटनास्थलमा नै मृत्यु भएको प्रहरीले जनाएको छ।
यसैगरी मकवानपुर, मनहरी गाउँपालिका–८ सिमपानीमा ना ६ ख ९७५० नम्बरको ट्रकले ठक्कर दिँदा एक पुरुषको मृत्यु भएको छ। दुर्घटनापछि ट्रक चालक फरार छन्। ट्रक र सह–चालकलाई प्रहरीले नियन्त्रणमा लिएर हाल फरार रहेका चालकको खोजी गरिरहेको छ ।
