कंगोमा नेपाली शान्ति सैनिक र बिद्रोहीसमूहवीच झडप भएको छ। मोनुस्को सिनमा खटेका नेपाली सेनाको शम्शेरदल गणको सैनिक गस्ती माथि स्थानीय विद्रोही समूह माई माईद्वारा आक्रमण भएको छ।
हेडक्वाटर बेनीबाट करिब २२ कि.मी. टाढा कवास भन्ने स्थानमा भएको आक्रमणको प्रतिकार गर्दा नेपाली सेनाको २ जवान घाईते भएको जंगी अड्डाले जनाएको छ।
विद्रोही तर्फ नेपाली शान्ति सैनिकले प्रहार गरेको गोली लागि ५ जना विद्रोहीको मृत्यु भएको छ ।
उक्त घटनामा विद्रोहीबाट बरामद भएका एके–४७ राईफल २ र सो को एम्युनिशन ५० राउण्ड कंगोको राष्ट्रिय सेना लाई बुझाइएको छ । घाईते भएका नेपाली शान्ति सैनिकहरुको कंगोको गोमास्थित यु.एन.को लेवल ३ अस्पतालमा उपचार भईरहेको र उनीहरुको स्वास्थ्य स्थिति सामान्य रहेको सेनाले जनाएको छ।
