प्रधानमन्त्री देउवादेखि राजदूतसम्मको योगाभ्यास हेर्नुहोस् तस्बिरमा

नारायण महर्जन

काठमाडौं, असार ७

विश्व योग दिवसका अवसरमा बुधबार राजधानीमा विभिन्न कार्यक्र गरी मनाइएको छ। योग अभ्यास कार्यक्रममा प्रधानमन्त्री देउवाले योगले मानिसको मानसिक र शारीरिक स्वास्थ्य प्राप्ति हुने तथा मन र दिमागको सन्तुलन हुने भएकाले यसलाई विद्यालय तहदेखि अभ्यास गराउनुपर्ने बताएका छन्। ‘योग यस्तो प्राचीन विधि हो, जसले मानिसलाई कुलतबाट मुक्ति दिन्छ, आनन्द दिन्छ । बालबालिकाले सुरु गरे भने उनीहरुको शिक्षालाई पनि सहयोग पुग्छ,’ देउवाले भने।

कार्यक्रममा प्रधानमन्त्री देउवाले आचार्य बालकृष्णले लेखेको ‘दैनन्दिन योगाभ्यास’ र नेपालका लागि भारतीय दूतावासले प्रकाशन गरेको ‘योग सन्देश’ पुस्तकको विमोचन गरेका थिए। कार्यक्रममा सहभागीले शान्ति, आनन्द र स्वस्थ्यका लागि नियमित योग गर्ने प्रतिबद्धता व्यक्त गरेका थिए ।

कार्यक्रममा पतञ्जलि योग समिति, नेपालका प्रमुख योगगुरु लवदेव मिश्रले योग अभ्यास गराएका थिए। छिमेकी भारतका प्रधानमन्त्री नरेन्द्र मोदीको प्रस्तावमा संयुक्त राष्ट्र सङ्घले मान्यता दिएपछि हरेक वर्ष जुन २१ लाई विश्वभर विश्व योग दिवस मनाउन थालिएको हो ।

हेर्नुहोस् तस्बिरमा योग दिवस