यस्तो पनि काठमाडौं!

नारायण महर्जन

काठमाडौं, असार २२

एक छिनसम्म त झरीले आनन्दित नै तुल्याउला तर लगातार जब आकाश बर्सिरहन्छ, कतिपयलाई दिग्दार बनाउँछ। काठमाडौं उपत्यकाको त कुरै के गर्नु, पानी पर्‍यो कि बाटो हिँडिसक्नु हुँदैन। भत्केका सडकमा बेपरबाह कुद्ने सवारी साधनले पैदलयात्रीको त कुनै मतलव नै गर्दैनन्।

तैपनि मनसुन हो, आकाश त बर्सिहाल्छ । पानी परेर मौसम चिसिएको दिन वा साँझमा तात्तातो चिया/कफी सुक्र्याउँदै बार्दलीमा बस्नुको मजा लिनेहरू पनि सहरमा छन् ।

पानी बेस्कन दर्किरहेको बेला छाता ओढेर होस् वा भिज्दै हिँडेर आनन्द लिने पनि कम छैनन् ।

यस्तै बल्खुको सडकमा देखिएको हिलोले सवारी साधनले सास्ती बेहोर्नु परिरहेको छ। करिब १ महिनादेखि देखिएको यो हिलो अहिलेसम्म कसैले पुरेका छैनन्।

‘एक महिना भइसक्यो बाटोमा हिलै मात्र भएकोले दिनहुँ तेल भर्न आउने मान्छे घटेका छन्।’ साझा पेट्रोलपम्पका एक कर्मचारीले दुखेसो पोखे।

यस्तै बाराबाट केरा लिएर आएका एक ड्राइभरको पिर अर्कै छ- मलाई बारबाट यहाँ सम्म ल्याएको भाँडा १२ हजार दिन्छन् तर यस्तो हिलोमा गाडी फसेर बनाउनलाई नै १५देखि २० हजार लाग्ने मिश्रीले बताएको गुनासो गरे।

हेर्नुहोस् तस्बिरमा हिलमाडौं