सिन्धुपाल्चोक जिल्लाको मेलम्ची–२ लप्सेथुम्कीस्थित सिन्धुखोलामा करेन्ट लाग्दा आज एकजनाको मृत्यु भएको छ ।
रौतहट स्थायी घर भई हाल ससुराली भोटेचौरमा बस्दै आएका अच्युत नेपाल भनी नाम बताउने २४ वर्षीय बालमुकुन्द कटुवालको मृत्यु भएको इलाका प्रहरी कार्यालय, मेलम्चीका प्रहरी निरीक्षक नवराज ढुंगानाले बताए।
खोलामा माछा मार्ने क्रममा हाइभोल्टेजको लाइनमा तार जोडी माछा मार्न खोज्दा उनको मृत्यु भएको हो ।
मृतक कटुवालको हात डढेको र शवलाई परीक्षणका लागि मेलम्ची प्राथमिक स्वास्थ्य केन्द्रमा लगिएको प्रहरी निरीक्षक ढुंगानाले जानकारी दिए । रासस
