मौसम पूर्वानुमान महाशाखाले पूर्वका झापा, मोरङ र सुनसरी तथा तराईका सिराहा र सप्तरीमा बाढीको सम्भावना औँल्याएको छ।
साथै महाशाखाले चुरे र महाभारत पर्वत हुँदै बग्ने नदीहरूमा बाढीको सम्भावना रहेको जनाएको छ। महाशाखाले नदी किनारामा काम नगर्न सुझाएको छ।
दिनभर र रातीसमेत वर्षा हुने अनुमान महाशाखाले गरेको छ। पूर्वका मेची नदी, विरिङ, कन्काई र सुनसरीमा बाढीले खतराको तहसम्म पुग्ने जनाएको छ। कोशी, बाग्मती, नारायणीमा भने खतराको तहसम्म नदीको बाढी नपुग्ने जनाएको छ।
महाशाखाकी मौसमविद् शान्ति कँडेलले काठमाडौं उपत्यकामा पनि साँझसम्म पानी पर्ने क्रम जारी रहने जानकारी दिइन्।
'भोलिसम्म मौसममा बदली हुने देखिन्छ,' कँडेलले भनिन्, 'तर अात्तिहाल्नु पर्ने अवस्था छैन साउन अन्तिम साताको जस्तो वर्षा हुने सम्भावना छैन।'
