बनावटी ट्रक दुर्घटना गरी बीमा वापतको रकम ठगी गर्न खोज्ने ४ जनालाई मकवानपुर प्रहरीले पक्राउ गरेको छ।
मनहरीका उज्वल कडेँल, हेटौंडा ११ का सन्तोष खत्री, हेटौंडा १९ का निर्मल सुवेदी र हेटौंडा १३ का मणी लामालाई पक्राउ गरिएको एसपी विकाशराज खनालले जानकारी दिए।
ना५ ख ७२९७ को ट्रक गत भदाैं २५ गते नवलपरासी भेडाबारी स्थित गोर्खा ब्रुअरीबाट १,४०० कार्टुन टुवर्ग बियर राजधानी पुर्यााउन भनि लिई हिडेँको तर नपुर्योई उनीहरुले चितवनको गितानगरमा नाम नम्वर थाहा नभएको अर्को पल्टी गरेका थिए।
हेटाैंडा ११ थानाभर्याङमा आई बसी भोली बियर हेटौँडा उपमहानगरपालिका २ नयाँ मनकामना रोड कुमाणमणी दाहालको घरमा लुकाई राखेका थिए। ट्रक भने उनीहरुले त्रिशुली नदीमा खसालेका थए।
पछि वियर उनीहरुले पदमपोखरीमा लुकाई छिपाई राखेको खनालले बताए। नक्कली साहु बनेर उनीहरुले गाडी दुर्घटनामा परेको र बीमा वापतको रकम पाउनु पर्ने माग गर्दै मुग्लिन प्रहरीमा पुगेका थिए।
दुर्घटना पश्चात पनि चालक उज्वल कडेँललाई कुनै चोटपटक नलागेकोदेखि शंका हुन्छ भनेर उनीहरुले चक्कुले बाँया खुट्टाको घुडाँ काट्न लगाइ ६ टाँका लगाएका थिए। उक्त घटना बनावटी जस्तो लागेकोले थप अनुसन्धान गरी उनीहरुलाई पक्राउ गरेको एसपी खनालले बताए।
