कञ्चनपुरको महाकाली नगरपालिका– ८ का अन्दाजी १६ वर्षीय हेमराज पन्त महाकाली नदी किनारमा आज मृत अवस्थामा फेला परेका छन् ।
चार दिनअघि घरबाट कैलालीको अत्तरिया जान भनेर उनी हिँडेको बताइन्छ ।
महाकाली नदीमाथिको झोलुङ्गे पुलभन्दा झण्डै ५०० मिटर तल शव फेला परेको जिल्ला प्रहरी कार्यालय कञ्चनपुरका प्रहरी नायब उपरीक्षक ज्ञानबहादुर सेटीले बताए।
“पन्त मृत अवस्थामा फेला परेको स्थानमा प्रहरीको टोली पठाएका छौँ,” उनले भने, “कुन कारणले मृत्यु भएको हो भन्ने थाहा हुन सकेको छैन ।” रासस
