संस्कृति जगेर्नामा सहयोग पुर्याउने उद्देश्यले सन्थाल समुदायलाई परम्परागत बाजा हस्तान्तरण गरिएको छ ।
बिर्तामोड नगरपालिकाका प्रवक्ता अग्नि पाण्डेले सन्थाल समुदायको संस्कृति जोगाउन बाजा हस्तान्तरण गरिएको जानकारी दिए। बिर्तामोड वडा नं १ कार्यालयले सोही वडामा रहेका सन्थाल समुदायका अगुवालाई मादल, ड्रम, दमाहा, हार्मोनियम, झ्याम्टालगायत बाजा प्रदान गरिएको हो ।
सन्थाल समाज उत्थान समितिका अध्यक्ष ढेना बेस्राले सन्थाल संस्कृति लोप हुन लागेको अवस्थामा रहेको बताए। “जातीय वेशभूषा, बाजागाजा लोपोन्मुख बन्दै गएको छ”, उनले भने, “प्राप्त बाजागाजाले लोकसंस्कृति जगेर्नामा सहयोग पुग्ने छ, यसको भरपूर उपयोग गर्नेछौँ ।” रासस
