नेदरल्यान्ड्सकी मेलानियाले युरोपमा यस्ता धेरै ठाउँ देखेकी छन्, जहाँ सवारी प्रवेश निषेध छ। जहाँ सडकमा पैदलयात्रुहरू कसैसँग कुम नठोकी निस्फिक्री हिँड्न सक्छन्।
धेरैचोटि नेपाल घुम्न आएकी उनी यसपालि त्यस्तै दृश्य ठमेलमा देखेर छक्कै परिन्।
‘वाउ, मलाई आज यहाँ हिँड्दा आफ्नै घर फर्केझैं भयो,’ ५० वर्ष नाघेकी मेलानियाले भनिन्, ‘यो साह्रै राम्रो भयो, म अब यहाँ आरामले हिँड्नसक्छु।’
परिवर्तित ठमेलमा पैदल हिँडिरहेकी मेलानियाले अघिल्लोचोटि यहाँ देखेको घन्चमन्च बिर्सेकी छैनन्। भन्छिन्, ‘पहिले ट्वाँट्वाँ, टिँटीँले कान खान्थ्यो, धुलोले नाक पिरो हुन्थ्यो, सडकको हिलो छ्याप्दै हुत्तिएर आउने गाडीहरूबाट जोगिन पसलका डिल–डिलमा हिँड्नुपर्थ्यो। काठमाडौंले यस्तो वाकिङ–स्ट्रिट (पैदल मार्ग) सुरु गरेको देख्दा मलाई एकदमै खुसी लागेको छ।’
ठमेलमा यही कात्तिक ५ गतेबाट सवारी प्रवेश निषेध गरिएको छ।
https://www.youtube.com/watch?v=4OxHkwIpAL8
