अस्ट्रेलियाको बिग बास लिगमा नेपाली लेगस्पिनर सन्दीप लामिछाने आबद्ध होबार्ट हुरिकेन्स लगातार तेस्रो खेलमा पराजित भएको छ।
होबार्टलाई मंगलबार भएको खेलमा पर्थ स्कर्चर्सले ९ विकेटको फराकिलो अन्तरले पराजित गर्यो।
होबार्टले दिएको १४० रनको सामान्य लक्ष्य पर्थले १ विकेटको क्षतिमा १६.२ ओभरमै पूरा गर्यो।
पर्थको जितमा जासन रोएले नटआउट ७४ रन जोडे। उनले ५२ बलमा ८ चौका र ३ छक्का प्रहार गरे। यस्ते लियाम लिभिङ्स्टोनले ५४ रन बटुले।
बलिङमा होबार्टका स्कट बोल्यान्डले १ विकेट लिए। सन्दीप लामिछानेले तीन ओभर बलिङ गरे पनि विकेट लिन सकेनन्। उनले तीन ओभरमा २३ रन खर्चिदा ३ चौका दिए।
त्यसअघि पहिले ब्याटिङ गरेको होबार्टले २० ओभरमा ५ विकेटको क्षतिमा १३९ रन जोड्यो। ओपनर बेन म्याकडरमोट २ रनमा आउट भए लगत्तै डविड मलान पनि डकआउट भएका थिए।
जसका कारण उसले चार ओभर चल्दा २ विकेट गुमाउदा केवल ९ रन जोडेको थियो।
त्यसपछि पिटर ह्यान्डकम १३ रनमा आउट भएका थिए। होबार्टका लागि डिआर्ची सर्टले ५४ रनको योगदान दिए भने टिम डभिडले नटआउट ३१ रन जोडे।
अघिल्लो खेलमा होबार्टलाई सिड्नी थन्डरले हराएको थियो। त्यसअघि मेलवर्न स्टारसँग पनि होबार्ट पराजित गरेको थियो।
अंक तालिकामा होबार्ट १० खेलबाट १९ अंक जोडेर पाँचौ स्थानमा छ। शीर्ष स्थानको सिड्नी सिक्सरको ९ खेलबाट २५ अंक छ।
