भारतले अस्ट्रेलियामा भएको टेस्टमा दोस्रो ठूलो लक्ष्य पार गर्ने (३२८ रनको लक्ष्य) रेकर्ड बनायो। पछिल्लो २० वर्षमा दक्षिण अफ्रिकाले अस्ट्रेलियामा बढी रनको लक्ष्य पार गर्ने रेकर्ड बनाएको छ। दक्षिण अफ्रिकाले सन् २००८ मा पर्थमा अस्ट्रेलियाविरुद्ध ४१४ रनको लक्ष्य पार गरेको थियो।
अस्ट्रेलियाले ३२ वर्षपछि ब्रिसबेनको गाबा मैदानमा हारेको हो। पछिल्लो पटक अस्ट्रेलिया सन् १९८८ मा वेस्ट इन्डिजसँग ब्रिसबेनमा पराजित भएको थियो। त्यसयता यो मैदानमा अस्ट्रेलिया ३१ टेस्टमा अपराजित थियो।
सुरुको खेलमा सानदार जित हात पारेर पनि अस्ट्रेलियाले घरेलु भूमीमा टेस्ट सिरिज हारेको चौथो पटक हो। यसअघि १८८२-८३, १९११-१२ र १९९४-५५ मा अस्ट्रेलियाले सुरुवाती खेल जितेर पनि टेस्ट सिरिज गुमाएको थियो। तीनै पटक अस्ट्रेलियामाथि इंग्ल्यान्डले जित हात पारेको थियो।
नटआउट ८९ रन प्रहार गरेसँगै रिशव पन्त चौथो इनिङ्ग्समा सर्वाधिक रन प्रहार गर्ने विकेटकिपरमा दोस्रो स्थानमा पुगे। चौथो इनिङ्ग्समा सर्वाधिक रन प्रहार गर्ने विकेटकिपरको रेकर्ड अस्ट्रेलियाका एडम गिलक्रिस्ट (नटआउट १४९ रन) को नाममा छ।
भारतले अस्ट्रेलियामा दोस्रो पटक टेस्ट सिरिज जितेको हो। यसअघि भारतले सन् २०१८-१९ मा पहिलो पटक अस्ट्रेलियामा टेस्ट जित्ने इतिहास बनाएको थियो। त्यतिबेलामा पनि भारतले २-१ ले नै सिरिज जितेको थियो।
