अस्ट्रेलियाको बिग बास लिगअन्तर्गत मेलवर्न रेनेगेड्सविरुद्धको खेलमा नेपालका युवा लेग स्पिनर सन्दीप लामिछाने विकेटविहीन बनेका छन्।
होबार्ट हरिकेन्सका मुख्य बलर सन्दीपले मंगलबार मेलवर्नमा भएको खेलमा ४ ओभर बलिङ गर्दा कुनै पनि विकेट लिन सकेनन्।
उनले चार ओभरमा ३५ रन खर्चिए। उनले तीन बल मात्र डट फ्याँक्दा २ छक्का दिए।
यसअघि सन्दीपले आइतबार सिड्नी सिक्सर्सविरुद्धको खेलमा २ विकेट लिएका थिए।
सन्दीपले सिजनमा ८ खेलमा ८ विकेट लिएका छन्। जसमा सन्दीप तीन खेलमा विकेटविहीन बनेका छन्।
मेलवर्नमा भइरहेको खेलमा पहिले ब्याटिङ गरेको मेलवर्नले ५ विकेटको क्षतिमा १५० रन जोडेको छ। अहिले होबार्टले जवाफी ब्याटिङ गरिरहेको छ।
२७ अंक जोडेर छैटौं स्थानमा रहेको होबार्टका लागि यो खेल महत्वपूर्ण छ। जित हात पारे मात्र होबार्ट प्लेअफमा पुग्नेछ।
