आबुधाबी टी-१० लिगमा नेपाली राष्ट्रिय क्रिकेट टोलीका सदस्य सोमपाल कामी आबद्द मराठा अरेबियन्सले हार व्यहोरेको छ।
शुक्रबार भएको आफ्नो दोस्रो खेलमा मराठा दिल्ली बुल्ससँग ९ विकेटको फराकिलो पराजय व्यहोरेको हो।
मराठाले दिएको ८९ रनको सामान्य लक्ष्य पाएको बुल्सले मात्र ५ ओभरमा १ विकेट गुमाएर पुरा गर्यो।
बुल्सको जितमा इभिन लेविसले अविजित रहदै ५५ रनको अर्धशतकीय इनिङ्स खेल्दा रबि भोपराले अविजित २८ रन जोडे।
१६ बल खेलेका लेविसले ७ छक्का र २ चौका प्रहार गरेका थिए। मराठाका लागि यामिनले १ विकेट लिए ।
लगातार दोस्रो खेल खेलेका सोमपालले १ ओभर बलिङ गर्दै १७ रन खर्चिए।
यसअघि पहिले ब्याटिङ गरेको मराठाले १० ओभरमा ४ विकेट गुमाएर ८७ रन बनाएको थियो। उसका लागि कप्तान मोसाडेक होसेनले सर्वाधिक ३५ रन जोडे। जाभेद अमादीले २४ रन जोडे।
मराठाले आफ्नो पहिलो खेलमा नर्थन वारिवर्सलाई हराएको थियो।
