नेपाल क्रिकेट संघ (क्यान) ले नेपाल र कतारबीच हुने टी-२० सिरिज स्थगित भएको जनाएको छ।
कतारमा कोभिड-१९ को संक्रमण बढिरहेकाले क्रिकेट सिरिजसँगै अन्य खेलकुदका कार्यक्रम स्थगित गरिएकाले नेपाल र कतारबीच हुने सिरिज स्थगित भएको क्यानले जनाएको छ।
सिरिज स्थगित भएसँगै नेपाली क्रिकेट टिमको बन्द प्रशिक्षण पनि स्थगित भएको छ।
यसअघि क्यानले सिरिज हुनुअघि वस्तुस्थितिको अध्ययन गर्दै निर्णय नगरेको भन्दै क्यानकै पदाधिकारीबाट असन्तुष्टि व्यक्त भएको थियो।
सिरिजका लागि नेपाली टिम आगामी ७ फेब्रुअरीमा कतार प्रस्थान गर्ने कार्यक्रम थियो। त्यसपछि ९ फेब्रुअरी, १० फेब्रुअरी र १२ फेब्रअरीमा गरी तीन खेल खेलेको भोलिपल्ट टिम नेपाल फर्किने कार्यक्रम थियो।
सम्बन्धित समाचार- क्यानको व्यवस्थापकीय कमजोरी, नेपाली टिम कतार टी-२० सिरिजमा सहभागी नहुने
