युएईमा जारी आबुधाबी टी १० लिग अन्तर्गत बिहिबार सोमपाल कामीले एकै ओभरमा २ विकेट लिएर उत्कृष्ट प्रदर्शन गरेका छन्।
सुपर लिगको डेकन ग्लाडिएटर्सविरूद्ध कामीले आफ्नो पहिलो ओभरमा मात्र २ रन खर्चिएर २ विकेट लिएका हुन्।
सोमपालले डेकन ग्लाडियटर्सका प्रशान्त गुप्ता र यासिर कलिमको विकेट लिन सफल भएका हुन्।
टिमको छैटौं ओभर लिएर आएका सोमपालले पहिलो बल डट फालेका थिए भने दोस्रो बलमा एक रन दिएका थिए।
तेस्रो बलमा पनि एक रन खर्चिएका उनले चौथो बलमा गुप्तालाई ३५ रनमा आउट गरे। उनले गुप्तालाई मोसादेक हुसेनको हातबाट लङ अनमा क्याच आउट गराए ।
पाँचौ बल डट फालेका उनले छैटौं बलमा यासिर कलिमलाई आउट गरे। उनले कलिमलाई २८ रनमा पेभेलियन फर्काए।
त्यसपछि आठौं ओभरमा उनले १० रन दिए पनि विकेट लिन सकेनन्।
