न्युजिल्याण्डविरूको पहिलो एकदिवसीय क्रिकेटमा बंगलादेशले खराब प्रदर्शन गरेको छ।
डुनिडनमा टस हारेर पहिले ब्याटिङ गरेको बंगलादेश ४१ ओभर ५ बलमा सबै विकेट गुमाएर मात्र १३१ रन बनाउन सक्यो।
बंगलादेशका लागि महमुदुल्लाहले २७ र मुसाफिकर रहिमले २३ रन बनाए। यस्तै लिथोन दासले १९ रन बनाउँदा माहेदी हसन १४ र कप्तान तामिम इकवालले १३ रन मात्र बनाउन सके। बाँकी खेलाडीले दोहोरो रनको स्कोर छुन सकेनन्।
बंगलादेशलाई सस्तैमा रोक्न न्युजिल्याण्डका ट्रेन्ट बोल्टले सर्वाधिक ४ विकेट लिए। ८.५ ओभर बलिङ गरेका उनले २७ रन दिएर ४ विकेट लिएका हुन्। यस्तै जेम्स निशम र मिचेल सान्टनरले समान दुई-दुई विकेट लिए । माट हेनरीले १ विकेट हात पारे।
जवाफी ब्याटिङ गरेको न्यूजिल्याण्डले उत्कृष्ट प्रदर्शन गरेको छ। ५ ओभरमै ५० रन पुरा गरेको उसले कुनै विकेट गुमाएको छैन।
न्युजिल्याण्ड भ्रमणमा रहेको बंगलादेशले तीन-तीन वटा एकदिवसीय र टी–ट्वेन्टी क्रिकेट खेल्नेछ।
