आइपिएलमा दिल्ली क्यापिटल्स र सनराइजर्स हैदरावादबीचको खेलमा स्कोर बराबरी भएको छ। आइतबार राति पहिले ब्याटिङ गरेको दिल्लीले ४ विकेटको क्षतिमा १५९ रन जोड्यो।
जवाफी ब्याटिङ गरेको हैदरावादले पनि ७ विकेटको क्षतिमा १५९ रननै जोड्यो।
सुपर ओभरमा पहिले ब्याटिङ गरेको हैदरावादले ७ रन मात्र जोडेको थियो।
दिल्लीका अक्षर पटेलले बलिङ गर्दा हैदरावादका डेभिड वार्नर र केन विलियमसनले ब्याटिङ गरेका थिए। जसमा विलियनसनले एक चौका मात्र हान्न सके।
दिल्लीले पनि अन्तिम बलमा मात्र लक्ष्य पार गर्यो। दिल्लीका लागि रिशव पन्त र शिखर धवनले ब्याटिङ गर्दा हैदरावादका रासिद खानले बलिङ गरेका थिए।
जसमा पाँच बलसम्म दिल्लीले ७ रन जोडेको थियो। दिल्लीका पन्तले तेस्रो बलमा चौका हानेका थिए। अन्तिम बलमा धवनले एक रन लिँदै टिमलाई जिताए।
