नेपाली युवा लेगस्पिनर सन्दीप लामिछानेलाई क्यारेबियन प्रिमियर लिग (सिपिएल) टिम जमैका तलावाजले 'रिलिज' गरेको छ।
जमैकाले सिजनमा ७ खेलाडीलाई टिममा 'रिटेन' गरेकोमा सन्दीपको नाम समावेश छैन।
उसले अलराउन्डर आन्द्रे रसेलसहित कार्लोस ब्रेथवेट, रोभमान पावेल, चाडविक वाल्टन, फिडेन इवार्ड्स, वीरासमी परमउल र रायन पर्साउदलाई सिजनका लागि टिममा राखेको हो।
सन्दीपसहित अन्य खेलाडीलाई भने टिमबाट बिदा गरिएको छ।
गत सिजन सन्दीपसहित ग्लेन फिलिप्स र मुजिब उर रहमान लगायतले जमैकाबाट खेलेका थिए।
सन्दीपलाई जमैकाले ९० हजार अमेरिकी डलरमा अनुबन्ध गरेको थियो।
गत सिजन सन्दीपको किफायती बलिङको मद्दतमा जमैका सेमिफाइनलसम्म पुगेको थियो। सन्दीपले गत सिजन ११ खेलमा १२ विकेट लिएका थिए।
२०२१ को सिपिएल आगामी २८ अगस्ट देखि १९ सेप्टेम्बरसम्म सेन्ट किट्स एन्ड नेभिसमा हुने तय छ।
त्यसका लागि आगामी साता खेलाडीको छनोट ड्राफ्टमार्फत हुनेछ।
