टिमका सात जनालाई कोरोना संक्रमण भएपछि इंग्ल्यान्डको एकदिवसीय टिम आइसोलेसनमा बसेको छ।
पाकिस्तानसँग खेल्नुअघि इंग्लिस टिमका तीन खेलाडी र चार जना व्यवस्थापकलाई कोरोना पुष्टि भएको हो।
श्रीलंकाविरुद्धको सिरिजपछि पिसिआर परीक्षण गरिएको थियो।
इंग्ल्यान्ड तथा वेल्स क्रिकेट बोर्डले पाकिस्तानविरुद्धको खेल तोकिएकै मितिमा हुने जनाएको छ।
कोरोना लागेका खेलाडी १० दिनको क्वारेन्टिनमा बस्नेछन् भने बाँकी खेलाडीको फेरि परीक्षण गरिनेछ।
कोरोना लागेका खेलाडीको स्थानमा जाक क्रोली, विल ज्याक्स र ब्रेडन कर्सीलाई टिममा बोलाइएको छ। यस्तै टिमको कप्तानी बेन स्टोक्सले गर्नेछन्।
पाकिस्तान र इंग्ल्यान्डबीचको एकदिवसीय सिरिज बिहीबारबाट सुरु हुँदैछ।
