ब्रुनो फर्नान्डेजको ह्याट्रिकमा म्यानचेस्टर युनाइटेडले इंग्लिस प्रिमियर लिगमा सानदार सुरूवात गरेको छ।
युनाइटेडले शनिबार भएको खेलमा लिड्स युनाइटेडलाई ५-१ गोलले पराजित गरेको हो।
युनाइटेडका लागि फर्नान्डेजले खेलको ३०, ५४ र ६० मिनेटमा गोल गर्दै ह्याट्रिक गरे। पोर्चुगिज मिडफिल्डर फर्नान्डेजले जनावरी २०२० पछि पहिलो पटक घरेलु मैदानमा ह्याट्रिक गरेका हुन्।
यस्तै ग्रिनउडले ५२ मिनेटमा गोल गर्दा फ्रेडले ६८ मिनेटमा एक गोल थपे।
खेलमा युनाइटेडका मिडफिल्डर पाउल पोग्बाले उत्कृष्ट खेल देखाए। उनले युनाइटेडले गरेका पाँच मध्ये चार गोलका लागि पास दिए। उनले फर्नान्डेजले ३० र ५४ मिनेटमा गोल गर्न पाए दिँदा ग्रिनउड र फ्रेडलाई पनि एसिस्ट गरे।
