एभरेस्ट प्रिमियर लिग (इपिएल) टी-२० क्रिकेट प्रतियोगिताको साविक विजेता ललितपुर प्याट्रिओट्सले इंग्ल्यान्डका अलेक्जान्डर जेम्स ब्लेकसँग सम्झौता गरेको छ।
बायाँ हाते ब्याट्सम्यान ब्लेकसँग सिजन २०२१ का लागि सम्झौता भएको हो।
उनी इंग्ल्यान्डको केन्ट काउन्टी क्रिकेट क्लबबाट खेल्दै आएका छन्। यस्तै उनी द हन्ड्रेडमा ओभलमा आबद्ध थिए।
चौंथो संस्करणको इपिएल क्रिकेट आगामी असोज ९ देखि असोज २३ गतेसम्म सञ्चालन हुने तय छ।
प्रतियोगितामा विभिन्न ६ शहरका फ्रेन्चाइज टोलीले सहभागिता जनाउने छन्।
जसमा साविक विजेता ललितपुरसँगै काठमाडौं किङ्स इलाभेन, पोखरा राइनोज, चितवन टाइगर्स, भैरहवा ग्ल्याडियटर्स र विराटनगर वारिवर्स रहेका छन्।
