आइसिसी विश्वकप लिग-२ अन्तर्गत अहिले नेपाल र ओमानबीच खेल भइरहेको छ।
अल अमिरत क्रिकेट रंगशालामा जारी खेलमा टस जितेर पहिले ब्याटिङ गरिरहेको नेपालले चार विकेट गुमाइसकेको छ।
नेपालका ओपनिङ ब्याट्सम्यान आसिफ शेखले अर्धशतक प्रहार गरेका छन्।
ओपनर कुशल भुर्तेल शून्यमा आउट हुँदा कप्तान ज्ञानेन्द्र मल्लले २१ रन जोडेका छन्। ज्ञानेन्द्रले ३३ बलमा १ चौका हिर्काए।
यस्तै रोहितकुमार पौडेलले २० रन जोड्दा विनोद भण्डारी ६ रनमै आउट भए।
अहिले आसिफ र सोमपाल कामी ब्याटिङ गरिरहेका छन्। नेपालले २८ ओभरमा ४ विकेटको क्षतिमा ११९ रन जोडेको छ।
लिग-२ मा नेपालले ओमानसँग दुई खेल खेलिसकेको छ। सन् २०२० को फेब्रुअरीमा नेपालमा भएको सिरिजमा ओमानले नेपाललाई ८ विकेट र १८ रनले पराजित गरेको थियो।
हिजोदेखि ओमानमा सुरु भएको नेपाल, अमेरिका र ओमाबीचको त्रिकोणात्मक सिरिजमा नेपालले विजयी सुरूवात गरिसकेको छ।
