आइसिसी विश्वकप लिग-२ अन्तर्गत अहिले नेपाल र ओमानबीच खेल भइरहेको छ।
अल अमिरत क्रिकेट रंगशालामा जारी खेलमा टस जितेर पहिले ब्याटिङ गरिरहेको नेपालले आठ विकेट गुमाइसकेको छ।
नेपालका लागि ओपनिङ ब्याट्सम्यान आसिफ शेख ९० रन बनाएर आउट भएका छन्। आसिफले बिलाल खानबाट बोल्ड हुनुअघि ११२ बलमा ७ चौका र १ छक्का हिर्काए। आसिफको यो पहिलो एकदिवसीय अर्धशतक हो।
अर्का ओपनर कुशल भुर्तेल शून्यमा आउट हुँदा कप्तान ज्ञानेन्द्र मल्लले २१ रन जोडे। ज्ञानेन्द्रले ३३ बलमा १ चौका हिर्काए।
यस्तै रोहितकुमार पौडेलले २० रन जोड्दा विनोद भण्डारी ६ रनमै आउट भए। सोमपाल कामी ७ रन, कुशल मल्ल ४ रन र विक्रम शोव २ रनमा आउट भए।
बलिङमा ओमानका बिलाल खानले चार विकेट लिइसकेका छन्।
नेपालले ३६ ओभरमा ८ विकेटको क्षतिमा १५८ रन जोडेको छ।
