आइसिसी विश्वकप लिग-२ अन्तर्गत नेपालले अहिले अमेरिकासँग प्रतिस्पर्धा गरिरहेको छ।
ओमानको अल अमिरत रंगशालामा अमेरिकाले टस जितेर फिल्डिङ गर्ने निर्णय गरेपछि पहिले ब्याटिङ गरेको नेपालले दुवै ओपनर गुमाइसकेको छ।
ओपनिङ ब्याट्सम्यान आसिफ शेख ३ रन बनाएर आउट भए। आसिफ तेस्रो ओभरमा केल फिलिप्सको बलमा करिमा गोरेबाट समातिएका छन्।
कुशल भुर्तेल ३६ रनमा आउट भए। उनले ४३ बलमा ५ चौका र १ छक्का हिर्काए। उनी १२औं ओभरमा करिमाको बलमा बोल्ड भए।
नेपालले १२ ओभरको समाप्तीमा २ विकेटको क्षतिमा ५७ रन जोडेको छ।
अहिले कप्तान ज्ञानेन्द्र मल्ल र रोहितकुमार पौडेल ब्याटिङ गरिरहेका छन्।
