आइसिसी विश्वकप लिग-२ अन्तर्गत नेपालले अहिले अमेरिकासँग प्रतिस्पर्धा गरिरहेको छ।
ओमानको अल अमिरत रंगशालामा अमेरिकाविरुद्ध ब्याटिङ गरिरहेको नेपालका कप्तान अर्धशतक प्रहार गरेका छन्। उनले ९१ बलमा ३ चौका हिर्काएका छन्।
उनले एकदिवसीय खेलमा तेस्रो अर्धशतक प्रहार गरेका हुन्। अहिले कप्तान ज्ञानेन्द्र र करण केसी ब्याटिङ गरिरहेका छन्।
नेपालले ४२ ओभरमा ७ विकेटको क्षतिमा १५० रन जोडेको छ।
नेपालका ओपनर कुशल भुर्तेल ३६ रनमा आउट हुँदा आसिफ शेखले ३ रन मात्र जोड्न सके।
रोहित पौडेल २ रनमै पेभिलियन फर्के। विनोद भण्डारी २८ बलमा १० रन जोडेर आउट भए।
डेब्यू खेलाडी गुल्शन झाले २८ रनको योगदान गरे। उनले ५३ बल खेलेर २ चौका र १ छक्का प्रहार गरे।
कुशल मल्ल भने शून्यमै आउट भए। पछिल्ला चार खेलमा कुशलले तीन खेलमा एक रन र एक खेलमा चार रन मात्र जोड्न सकेका थिए।
यस्तै सोमपाल कामी २ रनमा आउट भएका छन्।
