कोरोनाका कारण रोकिएको आइपिएल सिजन २०२१ का बाँकी खेलहरू आजदेखि सुरू हुँदैछ। युएईमा हुने खेलहरू आजदेखि १५ अक्टोबरसम्म संचालन हुनेछ।
आज राति पौने आठ बजे हुने खेलमा चेन्नई सुपरकिंग्स र मुम्बई इन्डियन्सबीच प्रतिस्पर्धा हुनेछ।
सिजन २०२१ मा २९ खेल खेलिसकेको अवस्था छ। भारतमा आइपिएल जारी रहदा कोरोना संक्रमण दर उच्च भएको तथा टिमका सदस्यलाई पनि कोरोना लागेपछि आइपिएल अनिश्चितकालका लागि स्थगित गरिएको थियो।
अब आइपिएलका ३१ खेल बाँकी छन्। जसमा २७ खेल समूह चरणका रहका छन्। खेलहरु युएईको दुबई, अबुधावी र शारजाहमा हुनेछन्।
आइपिएल सकिए लगत्तै युएईमा टी-२० विश्वकप हुने तय छ।
जारी आइपिएलमा दिल्ली क्यापिटल्स ८ खेलबाट १२ अंक जोड्दै शीर्ष स्थानमा छ।
दोस्रो स्थानको चेन्नई र तेस्रो स्थानको बेंग्लोरको समान ७ खेलबाट समान १० अंक छ।
