आइसिसी विश्वकप लिग-२ अन्तर्गत अहिले नेपालले घरेलु टिम ओमानसँग खेलिरहेको छ।
नेपालले ओमानको तीन विकेट लिएको छ। तीनै विकेट करण केसीले लिएका छन्।
करणले ओपनर जतिन्दर सिंह १३ रन र सुफयान मोहमुद ४ रनमा आउट भएका छन्। यस्तै आयन खानलाई करणले ७ रनमा बोल्ड गरेका छन्।
टस हारेर पहिले ब्याटिङ गरेको ओमानले १० ओभरमा ३ विकेटको क्षतिमा ३२ रन जोडेको छ।
ओमानमा भइरहेको सिरिजमा नेपालले यसअघि तीन खेल खेलिसकेको छ। तीन मध्ये नेपाल दुई खेलमा पराजित भइसकेको छ।
पहिलो खेलमा अमेरिकालाई ५ विकेटले पराजित गरेको नेपाल दोस्रो खेलमा ओमानसँग ५ विकेटले नै हारेको थियो। तेस्रो खेलमा नेपालले अमेरिकालाई ४ विकेटले नतिजा सुम्पियो।
लिग-२ मा नेपालले ओमानसँग खेलेका पछिल्ला तीन खेलमा पराजय भागेको छ।
लिग-२ को अंक तालिकामा नेपाल ७ खेलबाट ६ अंक जोड्दै छैटौं स्थानमा छ। नेपालले ७ मध्ये ४ खेलबाट हार र ३ खेलमा जित निकालेको छ।
यता ओमान १२ खेबलाट २० अंक जोड्दै शीर्ष स्थानमा छ। दोस्रो स्थानको अमेरिकाको १५ खेलबाट १४ अंक छ।
