आइसिसी विश्वकप लिग-२ अन्तर्गत अहिले नेपालले घरेलु टिम ओमानसँग खेलिरहेको छ।
नेपालले ओमानको छ विकेट लिइसकेको छ। तीन विकेट करण केसीले लिएका छन् भने तीन विकेट सन्दीप लामिछानेले हात पारेका छन्।
करणले ओपनर जतिन्दर सिंह १३ रन र सुफयान मोहमुद ४ रनमा आउट भएका छन्। यस्तै आयन खानलाई करणले ७ रनमा बोल्ड गरेका छन्।
यस्तै सन्दीपले मोहमद नदीपलाई ४ रनमा एलबिडब्लू, सुरज कुमारलाई शून्यमा बोल्ड र नेस्टर धम्बालाई शून्यमा एलबिडब्लूको धरापमा पारेका छन्।
सन्दीपले सुरज र नेस्टरलाई १४औं ओभरको चौथो र पाँचौ बलमा आउट गरेका थिए।
टस हारेर पहिले ब्याटिङ गरेको ओमानले १४ ओभरमा ६ विकेटको क्षतिमा ४३ रन जोडेको छ।
ओमानमा भइरहेको सिरिजमा नेपालले यसअघि तीन खेल खेलिसकेको छ। तीन मध्ये नेपाल दुई खेलमा पराजित भइसकेको छ।
पहिलो खेलमा अमेरिकालाई ५ विकेटले पराजित गरेको नेपाल दोस्रो खेलमा ओमानसँग ५ विकेटले नै हारेको थियो। तेस्रो खेलमा नेपालले अमेरिकालाई ४ विकेटले नतिजा सुम्पियो।
लिग-२ मा नेपालले ओमानसँग खेलेका पछिल्ला तीन खेलमा पराजय भागेको छ।
लिग-२ को अंक तालिकामा नेपाल ७ खेलबाट ६ अंक जोड्दै छैटौं स्थानमा छ। नेपालले ७ मध्ये ४ खेलबाट हार र ३ खेलमा जित निकालेको छ।
ncell in
यता ओमान १२ खेबलाट २० अंक जोड्दै शीर्ष स्थानमा छ। दोस्रो स्थानको अमेरिकाको १५ खेलबाट १४ अंक छ।
