आइपिएल क्रिकेटमा कोलकता नाइटराइडर्सले मुम्बई इन्डियन्सलाई ७ विकेटले पराजित गरेको छ।
बिहीबार राति अबुधावीमा भएको खेलमा पहिले ब्याटिङ गरेको मुम्बईले ६ विकेटको क्षतिमा १५५ रन जोड्यो।
मुम्बईका लागि क्वान्टन डे ककले ५५ रन जोडे। बलिङमा कोलकताका लकी फर्ग्युसन र प्रसिद्ध कृष्णले २-२ विकेट लिए भने सुनील नारिनले १ विकेट हात पारे।
१५६ रनको लक्ष्य कोलकताले १५.५ ओभरमा ३ विकेटको क्षतिमा पूरा गर्यो। कोलकताका लागि राहुल त्रिपाठीले नटआउट ७४ रन जोडे भने वेंकटेशन अय्यरले ५३ रन जोडे।
बलिङमा मुम्बईका जसप्रित बुमराहले ३ विकेट लिए।
आइपिएलको अंक तालिकामा कोलकता ९ खेलबाट ८ अंक जोड्दै चौथो स्थानमा छ। ८ अंक जोडे पनि मुम्बई रनरेटमा पछि पार्दै छैटौं स्थानमा रहेको छ।
