एभरेस्ट प्रिमियर लिग (इपिएल) अन्तर्गत काठमाडौं किंग्स ११ र पोखरा राइनोजबीच मंगलबारका लागि तय भएको खेल स्थगित भएको छ।
त्रिवि क्रिकेट मैदानको आउटफिल्डमा पानी जमेका कारण खेल स्थगित गरिएको हो।
अब इपिएलले नयाँ खेल तालिका प्रकाशन गर्नेछ।
यसअघि सोमबारका दुई खेल पनि स्थगित भएका थिए। इपिएलले सबै खेल खेलाउने नीति लिँदै अंक बाँड्नुको सट्टा खेल स्थगित गर्ने निर्णय गरेको हो।
जारी इपिएलमा अहिलेसम्म दुई खेलमात्र सम्भव भएको छ। शनिबार भएको उद्घाटन खेलमा काठमाडौं विजयी भएको थियो। यस्तै चितवनले पनि विराटनगर वारियर्सलाई हराएको थियो।
भैरहवा र पोखराबीचको खेलमा वर्षा बाधक बन्दा अंक बाँडिएको थियो।
