राजधानीमा जारी चौंथो संस्करणको एभरेस्ट प्रिमियर लिग (इपिएल) मा शनिबार दुई खेल हुँदैछन्।
कीर्तिपुरस्थित त्रिवि क्रिकेट मैदानमा बिहान साढे ९ बजे सुरू हुने पहिलो खेलमा भैरहवा ग्लाडियटर्सले काठमाडौं किङ्ग्स-११ को सामना गर्दैछ।
शरद भेषवाकरको कप्तानीमा रहेको भैरहवा दोस्रो जितको खोजिमा हुनेछ भने सन्दीप लामिछानेको कप्तानीमा रहेको काठमाडौं पनि दोस्रो जित निकाल्दै प्ले अफको सम्भावनालाई कायम राख्न चाहन्छ।
भैरहवाले ३ खेलबाट ४ अंक जोडेर दोस्रो स्थानमा छ भने काठमाडौं २ खेलमा २ अंक जोडेर पाँचौं स्थानमा रहेको छ।
यस्तै दिउँसो साढे १ बजे सुरु हुने दोस्रो खेलमा विराटनगर वारियर्स र पोखरा राइनोजले एक अर्काको सामना गर्नेछन्।
करण केसीको कप्तानीमा रहेको विराटनगर पहिलो जित निकाल्ने प्रयासमा हुनेछ । उसले यसअघिका तीनै खेलमा पराजय बेहोरेको छ ।
विनोद भण्डारीको कप्तानीमा मैदान उत्रिने रहेको पोखरा दोस्रो जित निकाल्दै प्ले अफको यात्रा सहज बनाउने सोचमा छ। उसले ३ खेलमा ३ अंक जोडेर चौंथो स्थानमा छ।
